Virtus og ECIT Sameina krafta sína.

mar 30, 2023

Stórt skref framávið fyrir fjármálaþjónustu á Íslandi

Það er okkur ánægja að tilkynna að norska fjármálafyrirtækið ECIT AS hefur gengið frá samningi um kaup á helmingshlut í Virtus fjármálum ehf. Samkvæmt þessu samkomulagi mun Virtus, sem hefur verið leiðandi fyrirtæki í bókhalds-, launa- og fjármálaráðgjöf hér á landi, nú starfa undir nafninu ECIT Virtus. Þessi nýja sameining mun ekki aðeins styrkja stöðu okkar á markaðnum heldur einnig opna ný tækifæri fyrir núverandi og nýja viðskiptavini.

Virtus hefur verið í fararbroddi í fjármálaþjónustu á Íslandi síðan 2001 og hefur unnið að fjölmörgum fjármálatengdum verkefnum fyrir einstaklinga, félög, fyrirtæki og stofnanir. Með traustu samstarfi við viðskiptavini okkar, sem bæði eru innlend og erlend, leggjum við áherslu á að skilja þarfir þeirra til hlítar og tryggja að þær séu uppfylltar á sem bestan hátt. Virtus stendur fyrir gæði, trúnað og persónulega þjónustu – gildi sem við munum halda áfram að fylgja undir merkjum ECIT Virtus.

Samningurinn við ECIT er stórt skref fyrir Virtus, þar sem við munum nú verða hluti af stærri alþjóðlegri heild. ECIT er skráð félag í norsku kauphöllinni með yfir 2.300 starfsmenn í tíu löndum, og með þessu samkomulagi kemur ECIT inn á íslenskan markað í fyrsta sinn. Kaupin á hlutnum í Virtus eru að meirihluta til fjármögnuð með reiðufé en einnig með hlutabréfum í ECIT AS.

Peter Lauring, forstjóri ECIT, segir:

„Við erum afar ánægð með þessa innkomu og bjóðum bæði viðskiptavini og starfsfólk velkomið í áframhaldandi samstarf undir merkjum ECIT Virtus“

Hjá Virtus starfa um 20 manns í ríflega 15 stöðugildum og þjónustar félagið launareikninga og tengda þjónustu fyrir tæplega fjögur þúsund launamenn í hverjum mánuði. Tekjur Virtus námu 220 milljónum króna árið 2022 og hagnaður félagsins var 3,1 milljón króna árið 2021.

Með þessari nýju sameiningu er Virtus betur í stakk búið en nokkru sinni fyrr til að þjónusta viðskiptavini sína. Við hlökkum til að halda áfram að veita framúrskarandi fjármálaþjónustu og styðja við vöxt og velgengni viðskiptavina okkar – bæði núverandi og nýrra – undir merkjum ECIT Virtus.

Nýleg færsla

Fjármögnun reikninga – Ný þjónusta frá ECIT í samstarfi við Primis

ECIT á Íslandi hefur tekið í notkun nýja þjónustu í samstarfi við Primis sem veitir fyrirtækjum möguleika á að fá reikninga greidda strax – á einfaldan, rafrænan og sveigjanlegan hátt. Þjónustan er hluti af þeirri stefnu ECIT að bjóða lausnir sem styðja við daglegan...

Af hverju er faglegt bókhald mikilvægt fyrir fyrirtæki?

Rekstur fyrirtækis krefst skipulags, skýrrar fjármálastjórnunar og nákvæmra gagna. Bókhald er lykilþáttur í þessu ferli, en margir eigendur og stjórnendur líta á það sem leiðinlegt og tímafrekt verkefni. Hins vegar getur vel unnið bókhaldskerfi skipt sköpum fyrir...

Fjármálaráðgjöf fyrir fyrirtæki í vexti

Af hverju er hún mikilvæg? Þegar fyrirtæki stendur frammi fyrir vexti og stöðugum rekstrarárangri, eru mörg tækifæri til að stækka, bæta og hámarka hagkvæmni. Hins vegar fylgja hraðri uppbyggingu ákveðin fjármálaleg vandamál og áskoranir sem er mikilvægt að takast á...

Kostir þess að úthýsa launaútreikningum

Kostir þess að úthýsa launaútreikningum fyrir fyrirtæki á Íslandi eru margir.Launaútreikningar geta verið mikill hausverkur fyrir marga stjórnendur. Verkefnið tekur tíma frá öðrum mikilvægum verkefnum og fyrirtækið verður oft háð einni manneskju sem sér um það. Það er...

Skattadagatal fyrir ágúst 2024

Öll fyrirtæki þurfa að hafa góða yfirsýn yfir opinber gjöld og skatta til að tryggja að reksturinn sé skv. bókinni. Ef ekki er fylgst með dagsetningum og kröfum getur fallir til aukakostnaðar í formi dráttarvaxta, sekta og ef allt fer á versta veg alvarlegri...

ECIT Virtus tekur yfir bókhalds- og launaþjónustu PwC

Við hjá ECIT Virtus erum ánægð að tilkynna að við höfum tekið yfir bókhalds- og launaþjónustu PwC í Reykjavík. Þessi yfirtaka er mikilvægur liður í stefnu okkar um að efla starfsemina og bæta við þjónustuframboðið okkar til að mæta sívaxandi þörfum viðskiptavina...

ECIT Virtus kaupir Húnabókhald

Sterkari þjónusta og aukinn vöxtur fyrir viðskiptavini Við erum spennt að tilkynna að ECIT Virtus ehf. hefur gengið frá kaupum á rekstri Húnabókhalds ehf., sem mun styrkja stöðu okkar á íslenskum fjármálamarkaði enn frekar. Starfsemi Húnabókhalds verður formlega...

Ef þú ert með spurningar eða vilt frá tilboð í verkefni er best að hafa samband. Þú getur hringt í okkur í +354 419 7200, sent póst á ecit@ecit.is eða fyllt út formið á síðunni. Við hlökkum til að heyra í þér.

Hafðu samband